Chapter 3

“SORRY na Elmira, hindi na mauulit, sorry na talaga,” alo ni Conrad sa kanya nang makalabas si May.

Halos ay panawan siya ng malay sa ginawa ng babaeng iyon sa kanya kanina. Matapos kasi nitong abutan ang kanilang eksena sa mesa ng binata ay walang anu-anong hinila siya nito sa buhok at isinalya sa steel cabinet na nasa gilid ng opisina. Umawat naman si Conrad pero nangyari na nga ang pagsalya sa kanya nito na sa tingin niya ay nag-dislocate sa kanyang gulugod.

“Ang tigas kasi ng ulo ninyo eh. Sinabi nang akin na ‘yung salamin ko.” Maiyak-iyak siya sa sakit ng likod na sinapit sa kamay ng babae. Pero mas masakit ang sinabi nitong haliparot siya at kaya diumano pala siya nakikinig sa pag-uusap nito at ni Conrad nang nakaraang araw ay dahil siya raw pala ang ipinalit dito ng kanyang boss.

Siyempre ay tinangka niyang magpaliwanag pero wala ring nangyari dahil talagang nagwawala ang babae. Napatahimik lang ito nang may dumating na ilang security guards at hinamon ito ni Conrad na ipakakaladkad papalabas kung hindi ito titigil.

Hindi nagpaliwanag ng kahit ano si Conrad kay May. Palaisipan iyon sa kanya pero naisip niyang marahil ay minabuti na rin ng lalaking hindi na lang itama ang iniisip ni May upang sa gayon ay tumigil na rin ito sa pangungulit. Bigla ay nainis siya sa binata. Hindi man lamang nito binigyang halaga ang kanyang puri! Ginamit pa nito iyon sa pansarili nitong interes!

Doon na siya naiyak talaga, hindi niya napigil ang pagtulo ng luhang kinikimkim niya kanina pa. Hindi biro ang masigawan sa mukha at sabunutan ng tila wala ng bukas ng babaeng iyon dahil lang sa maling bintang nito.

Madali namang siyang inalalayan ni Conrad na maupo sa sofa. Tumabi ito sa kanya at saka kinuha ang panyo nito sa bulsa upang iabot sa kanya. Sisinghot-singhot niyang tinanggap iyon.

“Akala naman niya ay agrabyado na siya kung sakali mang may relasyon tayo eh hindi lang niya alam na tatlo pa ang karibal niya sa inyo,” wika  niyang masama pa rin ang loob.

“Huh? Sino ang pangatlo?” nagtatakang tanong nito.

Oo nga pala, tatlo nga pala ang girlfriends nito kasama si May pero bakit ba tatlo ang nasabi niya? Naisali ba niya ang sarili sa bilang?

“S-si Chamy kaya!” Mabuti at naisip niya agad ang babaeng kani-kanina lang ay masiglang ibinibida nito. Hindi naman kumibo ang lalaki. Nakatitig lang ito sa kanya. He looked apologetic at konsolasyon na iyon para sa kanya.

Saglit na wala silang kibuan ni Conrad sa loob ng ilang sandali. Ang sa kanya ay pinagsamang lungkot at awa sa sarili, ang dito naman ay hindi niya alam. Perhaps, guilty rin ito sa nangyari. Malinaw na kung hindi nito inagaw ang eye glasses niya ay hindi sila aabutan sa ganoong eksena ni May. Speaking of…

“Wait, Sir, nasaan nga pala ang salamin ko?” Muntik na itong mangudngod sa table nang marahas niya itong tabigin sa pag-iisip na naupuan nito ang kanyang salamin.

“Ano ba naman, Elmira, dahan-dahan nama!” asik nito.

“’Yung salamin ko kasi, baka naupuan niyo na eh…”

“Bakit ko naman uupuan, eh ‘di nabasag iyon?”

Hindi niya inintindi ang sinasabi nito. Tumayo siya at muling lumigid sa tabi ng office table ng boss niya. Naging maasim ang ngiti niya kay Conrad nang makita ang hinahanap. Hindi naman pala nito naupuan iyon. Oo nga naman! Natapakan lang at walang lens nito ang mapakikinabangan pa niya! Kagat-labing ngumiti ito nang alanganin sa kanya na sinimangutan lang niya.

“HAY naku, ewan ko nga ba, Donna! Asar na asar nga ako sa Conrad na iyon kanina eh! Isipin mo ba namang nabasag niya ang matagal ko nang iniingatang salamin!” himutok niya sa kapatid nang makauwi ito ng bahay.

Agad siyang nagsumbong ng hinanakit dito pagkalapag ng bag sa mesita nila. Nasa high school pa lang ang kapatid na si Donna pero aminado naman siyang nagma-mature na ang isip nito, bukod pa sa wala naman siyang ibang mapagkuwentuhan ng mga nangyari. Ang mga kaibigan niya sa opisina kanina ay maagang nagsipagpaalam na umuwi at hindi na siya nahintay sa kanyang karaniwan nang over time.

“Eh ate, ‘yun na nga eh, sa iyo na nanggaling na matagal mo nang iniingatan iyon, as in super tagal na nga. Don’t you think it’s about time for you to change your frame? Eh wala na sa moda ate! O mag contact lenses ka na lang kaya, ‘di ba mas maganda pa yon?”

“Hay naku! Hindi ako sanay magsuot niyon at baka hindi ko pa maingatan ay mabulag pa ako!”

“Papalitan mo na lang ang frame kung ganoon. Pero suggestion lang naman ha, mas bagay sa iyo ang walang salamin, Ate. Sa totoo lang, natatago sa salamin ang magaganda mong mga ganda mata eh,” nakangiting sabi ng kanyang kapatid.

You have a very nice pair of eyes, Ms. Pascual.’

Maniniwala na nga ba siyang maganda nga ang mga mata niya? Lihim siyang napangiti.

“GOOD morning, Elmira! Can you show me my schedule for today?” Masigla na naman ang boss niya. It was one Wednesday morning.

“Ok. I’ll check it out for you,” she replied without looking at him. “Oh, I just called Dr. Villena and told the old man that I will attend his daughter’s birthday party next Saturday,” wika nito nang mabasa ang schedule nito sa palm gadget niya.

“November 20 at Dr. Villena’s daughter’s birthday party. At what time, Sir?”

“Six o’clock. You have to remind me three days before so I can get her a birthday gift, or if you have time, please do it yourself.”

Nag-note siya sa kanyang gadget:  11.17.07 Buy a birthday gift for Dr. Villena’s daughter.

“Hey! 12:30 pm lunch with John Caricativo? I forgot to inform Glenda about this. Please call her and cancel the supposed lunch date she scheduled last night. Please ask her to just wait for me at home instead.”

“I’ll call her now, Sir. Wala tayong oras na ipapalit dito? So I’ll just ask her to stay in your place? Don’t you think it’s a bit awkward? Maghapon siya sa house ninyo?” Sobra naman yata ang babae na iyon, ganoon nito kamahal ang boss niya? Siya kaya, magagawa ba niya iyon kapag dumating ang time na nagmahal na rin siya? ‘I don’t think so…’

“Yes but you can tell her to call back during lunchtime so that we can talk, ourselves. By the way, write an appointment letter to Miss Olga Lasic whom I interviewed yesterday morning. She may start reporting to her work beginning next week.” Ang tinutukoy nito ay ang aplikanteng nagpunta nang nakaraang araw. Maganda ang aplikante at malamang sa hindi ay iyon ang naging advantage nito upang madaling matanggap sa trabaho.

Talaga naman ang boss niya pagdating sa magaganda! “Lucky her for being sexy and pretty,” nasambit niya nang hindi sinasadya.

“Elmira…” May babala sa himig nito pero hindi na siya nagawang pagsabihan ng lalaki dahil ilang saglit lang ay kausap na nito ang nobyang si Glenda.