Novels by Yesha Lee

Si Orange, isang taong sasalamin sa lahat ng pag-uugali ng isang babae. Isang taong maihahalintulad sa isang punong hitik sa karanasan sa buhay. Kaakit-akit ang anyo, mabait, magalang, masunuring anak...pero sa kabila ng mala-anghel nitong mukha ay isang masamang kaaway, palaban at hindi sumusuko sa ano mang hamon sa buhay.Tunghayan natin at alamin ang kuwento ni Anastacia na nagsimula sa panahong siya ay inosente pa hanggang ang mga pagsubok ay dumating -- kabiguan sa pamilya, sakit ng loob, pagtitiis at maging pagkasawi sa pag-ibig---lahat iyan ay dadaanan ng ating bida pero hindi siya bumitiw kahit minsan.Ikaw, naranasan mo na ba ang mabigo? Naranasan mo na ba ang magmahal at umasa na mamahalin rin? E ang masaktan, dinanas mo na rin ba? Kung oo, may kakampi ka dahil narito si Anastacia, sa kabila ng lahat ay nanatiling nakatayo at taas-noo sa kanyang pakikibaka sa hamon ng buhay. Dahil iyan ang kahulugan ng pagiging isang tunay na babae ng kahit ano pa mang henerasyon.

Nakilala ni Dalisay si Zach sa isang 'dating match' na pakulo ng Islet Craze restaurant sa isang mall. Napadpad doon si Isay sa pagtakas sa isang training ng napasukang trabaho samantalang si Zach naman ay naroon kasama ng nobya nito. Pitong araw ang itinakda upang magkasama si Zach at Isay sa iisang lugar na kung tawagin ay Isla Puting Buhangin. Pitong araw na puno ng magagandang alaala sa pagitan ng dalawang taong may malaking agwat sa edad at pag – iisip. May pag – asa kayang lumalim ang pagkakakilala ng dalawang taong pinagtiyap lamang ng isang biro ng tadhana? Magsilbi kayang tuldok sa pagitan nilang dalawa ang pagtatapos ng pitong araw na pamamalagi sa liblib na isla o ito pa lamang ang simula ng isang matamis na pangako ng pag – ibig?

Conrad Perez – the playboy and younger descendant of the Perez Empire. Para dito ay tila damit lang na maaaring palitan gaano man kadalas ang isang babae. Girls come and go, iyan ang katwiran niya. Elmira Pascual – the old looking secretary who was the only one having the capabilities to manipulate Conrad, the heartbreaker boss. She's very efficient in her job up to the point of jotting down even the details of her boss' prospective girls. Siyempre, kailangan niya iyon para manatiling malinis hindi lang ang schedule kundi pati maging ang image ng kanyang boss sa lahat. Until one day, these two people ended up kissing. Hanggang saan sila magagawang dalhin ng damdaming estranghero kapwa sa kanila?