CHAPTER 5

Hating gabi na pero heto pa rin ako't nakapikit ng sobrang diin, pinipilit matulog na kahit anong subok o gawin ko ay ayaw bumigay ng utak at mga mata ko. 

The heck is happening to me? Nakakainis na, ha. Ilang beses na akong napabalikwas, nagpagulog-gulong sa kama at sinabunutan ko na rin ang sarili sa sobrang gulo ko. Hindi na ako magtataka kung magulo ang kama ko bukas. 

Hindi kasi talaga mawala 'yong boses ni substitute teacher sa utak ko and the way he stares at me parang may kakaiba. Parang may mali? Or am I just hallucinating? Pero hindi talaga ako makatulog. Promise.

Tumayo na lang ako't napagpasyahang uminom na lang muna ng gatas. Pagbaba ko ay naabutan ko si daddy sa kusina na tutok sa kaniyang laptop habang humihigop ng kape sa tasang hawak niya.

"Can't sleep?" Kumuha muna ako ng baso at fresh milk at saka humarap kay daddy.

"Yes. Kinda..." Tumango lang siya at muling inabala ang sarili sa laptop.

Umupo ako sa tabi ni daddy at tulalang ininom ang aking gatas. Shit! Bakit ba kasi nahumaling ako sa boses? Parang no'ng narinig ko lang ang boses na 'yon gusto ko nang makilala at makita ang kung sinong may-ari ng boses para naman magkaroon ako ng pagkakainteresan sa school. But... All of the people sa school, bakit siya pa? I don't want to like him because he's a fucking jerk. Tsk! 

"By the way, where do you want to stay on your vacation?" 

"Dito na lang po ako dad." Tumango lang siya at nang matapos kong uminom ng gatas ay agad na akong umakyat.

Pero... Pambihira! Hindi pa rin ako makatulog. Ilang beses na akong nagbilang ng tupa, kumanta, napagulong-gulong, inalis ko na rin ang mga iniisip ko pero babalik nanaman at ang ending ay magpapagulong-gulong nanaman ako sa kama at hahanap ng puwesto na kung saan ay makararamdam ako ng antok. The heck!

Kinabukasan ay gusto ko nang maiyak dahil halos isang oras lang akong nakatulog. Wala tuloy ako sa huwisyo at mas gugustuhin na lang matulog at huwag na makinig sa lecture.

"Ano ba kasing nangyari sa'yo at puyat ka?" Rinig kong bulong ni Aisee ng hindi ako nililingon at nanatiling nakatuon ang paningin sa aming guro. 

Hindi ko na lang siya pinansin at nakapangalumbabang tumitig sa teacher namin. Pinipigilan ko ang nagbabadyang pagpikit ng aking mga mata. Shit! I really want to sleep, right now. 

"Come in." Napa-upo naman ako ng tuwid ng marinig kong magsalita ang teacher na ngayon ay nakaupo na. 

Tapos na ba siyang mag-discuss?

Agad namang bumukas ang pinto at ganoon na lang ang pag-alab ng mga mata ko ng makita ang kung sino mang pumasok. 

Fuck! This is all because of you! 

Alam kong hindi niya 'yan narinig pero sa oras na tumingin siya dito sa puwesto ko ay papaulanan ko siya ng masasamang tingin. Siya ang sisisihin ko dahil siya naman talaga ang dahilan kung bakit ako puyat. Grabeh ang hirap ng pinagdaanan ko kagabi. Pisti siya!

"Uy... Galit na galit ka? Sama ng tingin mo kay Xalent." Inirapan ko na lang ang kaibigan ko.

Nanatili ang paningin ko sa lalaking nasa harapan na ngayon ay nakangiting kinakausap ang teacher namin. Pwe! Sipsip, kapit sa patalim. Kung anu-ano na ang gusto kong sabihin sa kaniya pero hindi ko naman masabi dahil bawal. 

Shit siya! 

Nang matapos sila sa pag-uusap ay agad siyang naglakad palabas pero bago pa siya tuluyang makalabas ay napatingin siya sa puwesto ko at parang sinusuri ang itsura ko. Sinamaan ko lang siya ng tingin pero ang gago umiling-iling lang at saka tuluyan nang lumabas. 

Anong iniiling-iling no'n? 

Nang matapos ang tatlong subject ngayong umaga ay dumiretso na kami sa canteen para makakain. Kasama ko ngayon si Aisee na sobrang tahimik at inaalam kung anong nangyari sa'kin. Tsk. 

Pagdating sa canteen ay umupo ako agad at nagpasyang umidlip muna. Wala akong balak kumain, sobrang antok na talaga ako. Wala na akong paki kung ilang minuto lang ang free time ko ngayon basta makaidlip ako. Isinusumpa ko talaga ang lalaking 'yon. Bwesit siyang animal siya. Hanggang sa bahay ginugulo ako. Kaloka!

Wala pang ilang segundo akong nakapikit ng maramdaman kong may naglapag ng tray sa harap ko. Hindi ko na lang pinansin dahil baka si Aisee lang naman 'yon. Pero nagtaka ako ng sundot-sundotin ako sa balikat kaya inis kong kinusot ang mga mata ko't nag-angat ng tingin.

"Ano b---" naputol ang sasabihin ko ng maging maliwanag ang paningin ko't nakita ang walang'yang dahilan ng pagkapuyat ko.

"Eat," sabi niya't inilapit sa'kin ang pasta. 

Hindi ko siya pinansin at akmang iidlip na sana ulit ng bigla niyang hawakan ang kamay ko't pinorma na hawakan ang styro na may lamang spaghetti. Damn it! Ang gulo. 

"Ano ba?! Ayaw ko nga kasing kumain. Don't you see? Naaantok ako! Kaya puwedeng umalis ka sa harapan ko? Feeling close kang animal ka," Tuloy-tuloy kong sabi pero hindi siya nagpatinag at tinaasan lang ako ng kilay. 

Napairap na lang ako at para umalis siya ay padabog kong inumpisahang kainin ang ibinigay niya. Ano ba kasing ginagawa nito dito? Feeling close na 'to. Hay nakuuu!

Bakit pala nawala si Aisee? Nasaan nanaman 'yon? Akala ko bibili lang siya kanina pero hindi na ako binalikan. Pambihira! Humaharot nanaman ba 'yon? Ginawa pang club ang eskwelahan. Kaloka! 

Nang matapos akong kumain ay agad akong tumayo at iniwan na ang feeling close doon. Wala akong paki sa kaniya. Porket tapos na siya sa kalandian niya kahapon, ako naman ang guguluhin niya. Kaloka naman po pala siya, 'no? Hmp. 

We have two remaining subjects left kaya sobra-sobrang pagpipigil pumikit ang ginawa ko. Mamaya talaga sure na akong makakatulog ako dahil sobrang antok na ang nararamdaman ko ngayon. Damn, I can even feel my pillows and my comfortable bed. 

Wait for me babies. Hmmm...

Mabuti na lang at medyo mabilis ang oras kaya pagtapos sabihin na puwede nang umuwi ay agad akong nagligpit at umalis na. Hindi na nga ako nagpaalam kay Aisee, bahala na siya, eh siya nga bigla-bigla na lang nawawala ng walang paalam.

Naglalakad na ako sa malawak na field ng bigla kong maramdaman na may tumamang kung ano sa ulo ko kaya agad akong nahilo at bumagsak.

Shit! Bakit ang malas ko?