Chapter 7

Flashback

"Nay hanggang kailan po nila tayo patitirain rito ng libre?" Tanong nya sa Nanay nya habang nag-aayos ng mga pinamili sa palengke, sinama sya ng Nanay nya mamalengke kanina, at halos madaanan nilang mag-ina nagbubulungan at alam nyang naririnig ng Nanay nya ang mga binubulong ng mga ito, tungkol sa Ate Grace nya at kay Mr. Gabrielle Del Castillo ang nagmamay-ari ng malaking resort sa bayan nila ang Del Castillo Resort.

Si Mr. Del Castillo ang may-ari ng bahay na tinitirhan nilang mag-anak ngayon, lumang bahay ito ng mga Del Castillo at wala ng tumitira dahil sa malapit sa Resort na nakatira ang pamilya ni Mr. Del Castillo. At pinatitira sila nito dahil tila may interes ito sa Ate Grace nya, at hindi nya ikinatutuwa yon. Alam nyang marami ng kinasama ang kapatid na di pamilya, na syang tila kinabubuhay nilang mag-anak, wala naman syang magawa kahit tutol sya, ano ba naman ang magagawa ng isang kinse anyos na dalagita tikom lang ng bibig ang kaya nyang gawin sa bawat nakikita nyang hindi magandang gawain ng mga kapatid na babae. Kahit naman ang Nanay nila walang magawa dahil nakikinabang din ito sa kung anong makukuha ng mga ito sa ginagawa. Tulad ngayon libre ang tinitirhan nila, isama pa na tila inaabutan ng monthly allowance ni Mr. Castillo ang ate nya na syang ibinibigay nito sa Nanay nila na sya naman ginagamit nila sa pang araw-araw.

"Hangga't gusto natin" sagot ng Nanay nya at nagsimula nang i ayos ang iluluto ngayong tanghalian. Linggo ngayon kaya wala syang pasok, pero sya lang at ang Nanay nya ang nasa bahay, ang Ate Grace nya hindi nya alam kung nasaan oh baka kasama ni Mr. Del Castillo ito, ang Ate Joan nya alam nyang nasa kabilang bayan dahil daw sa trabaho, alam naman nya kung ano ang ginagawa ng kapatid doon di ilang beses na nyang narinig sa mga ka eskwela na nakikita nilang pumapasok ang kapatid nya sa isang computer shop kung saan daw nagkakaroon ng konting palabas mula roon, alam naman nya kung ano ang klase ng trabaho nito. Maganda din naman ang Ate Joan nya pero mas maganda at kaakit-akit ang inosenteng mukha ng Ate Grace nya kaya naman sa tuwing may nagkakagusto ritong mayaman na di pamilya eh sunod ang layaw nito pati sila na aambunan, samantalang ang Ate Joan naman nya halos walang nagtatagal na lalake rito hindi nya alam kung bakit, kaya sa kung anu-anong raket nalang ang ginagawa nito gamit ang ganda. Sa kanilang lahat ang Ate Joan nya ang hindi naka tungtong ng highschool. Ang Ate Lanie naman nya kaka graduate lang ng highschool at nakapag enroll sa isang vocational school dahil na rin sa pera at tulong ni Mr. Del Castillo ay madalas din nyang marinig ang pangalan nito dahil pa iba-iba din ito ng sinasamahan sa mura nitong edad. Ewan nya kung bakit ganoon ang mga ginagawa ng mga kapatid, marahil dahil ba sa kahirapan? Dahil ba minsan naranasan na nilang magutom? Dahil ba nakaranas na sila ng hirap sobra-sobrang hirap sa buhay na ni maisubo ay wala sila? Tanong nya sa sarili. At tuwing naiisip nya ang nangyayari sa mga kapatid ay hindi nya maiwasan na mapaisip kung darating din ba ang panahon na magiging tulad sya ng mga ito? Sa edad nyang kinse wala pa ni isa syang naging nobyo, may mga nanligaw pero hindi nya binigyan ng pag-asa dahil aaminin nya sa sarili na nais nyang maging iba sa mga kapatid na babae, nais nyang ibang landas ang tahakin nya, nais nyang huwag marinig sa mga bibig ng mga tsismosa sa bayan nila ang pangalan nya, nais nyang makuha ang mga pangarap na hindi ginagamit ang ganda at katawan kundi ang talino.

"Anak sabihan mo nga ang Ate Grace mo na bumili na ng softdrinks at nakalimutan kung bumili" utos ng Nanay nya habang habala na ito sa pagluluto.

"Dito po ba kakain si Ate?"

"Oo at kasama nya si Mr. Del Castillo, kaya maglinis kana muna ng sala anak baka sabihin eh pinapabayaan nating itong bahay nya" utos ng Nanay nya. Tumango nalang sya at tumayo mula sa sofa at sinimulan na nyang maglinis.

Kilala sa bayan nila ang mga Del Castillo dahil nabibilang ang mga ito sa mga mayayaman sa bayan nila. Kaya lalong nagiging maingay ang pangalan ng Ate Grace nya dahil walang hindi nakakakilala kay Mr. Del Castillo na syang sinasamahan ng kapatid ngayon.

"Mella! Halika dali!" Tawag mula sa labas ng bahay. Nagtatakbo sya palabas at nakita ang Atw Grace nya sa tapat ng kulay pulang mamahaling sasakyan sa tapat ng gate.

"Ate bakit?"

"Halika dali!" Masiglang tawag nito sa kanya at lumapit sya, nakita nya si Mr. Del Castillo na kabababa lang sasakyan.

"Tignan mo ano meron sa likod" utos ng Ate nya at tinulak sya papunta sa likod ng pick up. Nakita nya ang bike na kulay pink sa likod. Napanganga sya at sinulyapan ang kapatid na nasa tabi na si Mr. Del Castillo nakangiti din ito sa kanya.

"Para sa iyo yan Mella" sabi ni Mr. Del Castillo.

"Talaga oh?" Masiglang sabi nya at mabilis na ibinaba ang bike sa sasakyan.

"Sabi ko na nga ba magugustuhan mo yan eh" sabi ng Ate nya at lumapit sa kanya.

"Salamat ate" masiglang sabi nya.

"Grace! Pumasok na kayo sa loob kakain na" tawag ng Nanay nya nakadungaw sa pinto.

"Nay! Tignan nyo may bike na ko, di na ko maglalakad ng malayo pag papasok sa eskwela" masiglang sabi nya at mabilis na sinakyan ang bagong-bangong bisikleta.

"Maingat ka ah dahan-dahan ka" bilin ng Nanay nya.

"Thank you po Mr. Del Castillo" pasalamat nya rito at mabilis na pinaandar ang bike. Alam nyang pera ni Mr. Del Castillo ang pinambili ng Ate Grace nya sa bike. Wala naman syang magagawa kundi tanggapin nalang kesa sa mag inarte pa sya malinaw naman sa sikat ng araw kung ano ang relasyon ng Ate nya kay Mr. Del Castillo.

Malayo-layo na rin ang nararating nya sa pag ba-bike at natutuwa sya dahil ihip ng hangin ang dumadampi sa mukha nya at gusto nya ang napakagaan na pakiramdam. Huminto say sa tapat ng gate ng Del Castillo Resort. Nakaramdam sya ng guilt habang nakatingin sa malawak na gate ng Resort ng sunud-sunod na busina ang narinig nya mula sa likod. Mabilis nyang itinabi ang bisikleta sa gilid para mabigyan ng daan ang magarang sasakyan.

Nakita nyang sakay ng gray na kotse si Aiden Gabrielle Del Castillo. Panganay na anak ni Mr. Del Castillo. Bukas ang bintana ng driver seat kaya nakita nya ito, nagkatinginan sila at hindi nakaligtas sa kanya ang masamang tingin nito, nagulat sya nang una pero naisip nyang nasa bahay nila si Mr. Del Castillo ngayon at kasama ang Ate nya imbes na kasama nito ang pamilya. Napalunok sya at mabilis na hinila ang bike at sinakyan yon pinaandar hanggang sa may gilid ng mababang bakod ng Resort. Bumuntong hininga sya at liningon ang pinanggalingan, wala na roon ang kotse. Bumaba sya sa bike at isinandal ang bike sa pader at umakyat sya doon.

Mulas sa pader nasisilip nya ang malawak na Resort mga kubo, cottages, mga turistang ini-enjoy ang malalakas na hampas ng alon. Natutuwa syang pagmasdan ang payapang lugar ng Resort. Naupo sya ninamnam ang malamig na simoy ng hangin at pinakinggan pagaspas ng tubig.

"What are you doing here?!"