Chapter 2

"Magandang balita anak!" halos mabuwal ako sa biglang pagdamba sa akin ni inay matapos pumasok ng bahay.

"Ho? Bakit ho?" pagtataka ko. Itinigil ko muna ang paglilinis ko upang makausap si inay.

"Yung kapitbahay nating kinukuhaan natin ng tubig ay isa palang kasambahay sa maynila at alam mo ba? Naghahanap daw ang apo ng amo niya ng isa pang kasambahay kaya ang sabi ko, ipasok ka niya at pumayag naman siya" masayang pagbabalita ni inay. Malawak akong napangiti sa sinabi ng inay sa akin.

Wala man sa plano ko ang maging kasambahay ay hindi ko ito tatanggihan.

Matapos ang usapan naming iyon ay nagpatuloy na kami sa pag-aayos ng bahay kahit wala man kaming gamit pambahay ay may mga karton naman kaming nahingi sa mga kabitbahay na maari naming magamit pansamantala.

Mahigit dalawang araw din ang lumipas simula noong sinabi ni inay ang magandang balita at ngayon nga ay pupunta akong maynila para mameet ang amo ni ate Lorna, ang kapitbahay namin na isa ring kasambahay.

"Mabait iyon si donya Alicia kaya por syur ay matutuwa sa iyo iyon lalo pa't mayumi kang bata" kumento ni ate Lorna habang nasa byahe kami.

"Pero ate, diba ho sa apo niya ako magsisilbi kung saka sakali?" tumango tango siya sa akin na lalo kong ikinakaba. "Kakilala ninyo ho ba ang apo ng donya?"

"Nako ineng, hindi ko pa nakikita iyong apo ni donya Alicia eh pero mabait naman daw iyon sabi ng donya" bahagya ko siyang tinanguan kahit sobrang kaba ko na. "Ay ineng, nandito na tayo"

Mabilis kaming bumaba sa jeep at muling sumakay sa isa tricycle papasok sa isang exclusive village kung saan nakatayo ang tinitirahan ng donya.

Wala pang ilang minuto ay huminto ang sinasakyan naming tricycle sa isang napakaganda't napakalaking bahay na kulay rosas. Marahan kaming bumaba sa tricycle at pumasok sa magarbong bahay.

"Lorna, you're here" bungad ng maganda ngunit may katandaang babae kay ate Lorna. Marahang yumuko si ate Lorna sa harapan ng ginang kaya ginaya ko rin ito.

"Donya Alicia, siya na po si Isha ang sinasabi ko sa iyong magkakasambahay sa apo ninyo" pakilala sa akin ni ate Lorna.

"Magandang araw ho donya Alicia, ako ho si Isha" bati ko.

"Tama ang sinabi sa akin ni Lorna, napaka ganda mo nga at talagang nakikitaan ng galang" papuri niya sa akin. Sus! Maganda daw. "Tara sa study room para makapag usap"

Sinabi ni donya Alicia ang mga dapat kong tandaan sa pagpasok ko bilang kasambahay ng apo niya.

Ayaw ng apo niya ng pakialamera, hindi masarap ang luto, maingay at higit sa lahat ay ayaw daw nitong ginigising.

Kakaunti lang iyang bilin niya pero ayon sa kanya kailangan ko daw magdala ng mahabang mahabang pasensya sa katawan ko sa oras na magtrabaho na ako sa apo niya.

"And here, that's his informations according to him" iniabot niya sa akin ang isang folder na ayon sa kanya ay naglalaman ng mga impormasyon patungkol sa apo niya. Binuklat ko ito at binasa.

Name: Spencer Mackenzie

Age: 17

Hobbies: sleeping, sleeping and sleeping

Wow! Ang sipag ha, puro pagtulog ang hobbies na isinulat. Pero nakakapagtaka, incoming 4th year pa lang siya sa edad niya..

Di ko na ipinagpatuloy ang pagbasa dahil napakawalang kwenta nito.

"So, willing to work for him?" tanong ng donya. "And like what I've said, pag pumayag kang magtrabaho ay sasagutin ko ang pag-aaral mo, same school as Spencer para mabantayan mo rin siya sa school"

"Tinatanggap ko ho ang trabaho" sagot ko.

"That's good, you may start on monday" nakangiting sabi niya saka kami nagshake hands.

Nang gabing iyon din ay umuwi ako patungo sa amin. Binigyan naman ako ng pamasahe ng donya kaya malaya akong nakauwi.

"Ate!!" bungad sa akin ng kambal kong kapatid. "Kamusta ang paghahanap ng trabaho?"

"Tara pasok muna tayo" aya ko sa kanila na mukhang inintay talaga ako sa labas ng bahay. "Mano ho inay"

"Anak, nandito ka na pala" sabi niya kasabay ng pagmamano ko. "Kamusta? Mabait ba ang donya at ang apo niya?"

"Mabait ho ang donya, at hindi ko pa ho namemeet ang apo niya pero sa pagbabalik ko ho sa lunes sa kanila ay ihahatid na nila ako sa tinitirahan ng magiging amo ko" masaya kong balita.

"Maganda iyan" sabi ni inay kasabay ng pagyakap sa akin. "Salamat anak"

"Nga pala inay, may inuwi ho akong mga pagkain, sabi ni donya Alicia ay uwian ko raw ho kayo" agad kong kinalkal ang dala dala kong may kaliitang bag at inilabas ang dalawang uri ng ulam at isang plastik na puno ng kanin. "Nanghingi na rin ako ng kanin upang hindi na tayo bumili" napapakamot kong dagdag.

"Wow! Kain na tayo inay, salamat ate" masayang inihanda nila Lunar at Solar ang pagkain.

"Alam mo ate, inintay ka talaga namin kasi iniisip naming baka may uwi ka" kumento pa ni Solar.

"Oo ate, hindi na nga namin pinabili si inay ng pagkain eh" sunod sunod na subo ang ginawa ni Lunar matapos niya iyan sabihin.

"Inay kain ka na rin ho para makatulog na tayo at anong oras na" suhestyon ko kay inay na nanonood lamang sa kambal. "Nga pala inay, wag nyo hong kakalimutang ienroll ang kambal sa lunes, nabasa ko ho kasi sa poste dyan sa may labas na sa lunes na ang huling araw ng enrollment at next monday na ang pasukan dito"

"Hindi ko iyan kakalimutan" sagot ni inay saka sumalo sa kambal.

"Ate, may pambili ba tayo ng uniform at mga gamit? Wag na kaya kaming mag-aral" suhestyon ni Lunar.

"May luma pa naman kayong mga uniform at mga gamit pamasok hindi ba? Yun muna ang gamitin ninyo at pagnakaipon na si ate, ibibili ko kayo ng bagong mga gamit kaya wag ninyong iisiping magloko sa pag-aaral dahil ayokong titigil kayo" paliwanag ko sa mga kapatid ko na sinang-ayunan nila pareho. "Bago ko nga pala makalimutan inay, sabi nga ho pala ng donya ay sasagutin niya ang pag-aaral ko kaya makakapag-aral na akong muli, maitutuloy ko na ang highschool ko"

"Nako maganda iyan anak, napakabait naman pala ng donya" nakangiting sagot ng inay.

Hanggang makatulog kami ay pare-parehas kaming nakangiti sa biyayang natanggap namin ngayong araw.

Kakayanin namin ito, ito na ang bagong simula para sa amin.