Chapter 7 - Travel Goals

HINDI na umasa pa si Amara na bumalik pa ang dating closeness nila ni Azael. Hindi na rin niya ito nakita, last na 'yun nagkasabay sila sa hapagkainan at after no'n wala na siyang narinig na balita nito. Nagtatampo siya pero mas maigi na rin iyon kasi alam niyang hindi naman pwede na sa kaniya iikot ang mundo ng kapatid. May girlfriend ito at balang-araw magpapakasal na ito sa ayaw man niya o hindi.

“My, please pumayag na kayo. Seventeen na po ako at si Theon naman ang sasamahan ko po, eh,” atungal niya sa ina nang nasa hapagkainan sila nang gabing iyon kasama ang ama niyang tahimik lang na kumakain.

“Amara, ilan beses ko ba sabihin sa'yo na hindi ka pwede——” 

“Daddy please?” hindi niya pinatapos ang kaniyang ina. Nagmamakaawa siyang tumingin sa ama. Alam niyang papanigan siya nito. Napabuntunghinga ito at napasulyap sa asawa.

“Huwag mo sabihin na papayagan mo ang anak mo na umalis kasama si Theon?” may halong inis at galit ang boses ng kaniyang ina. 

Napangisi si Amara. Kapag ganito ang usapan, aba, pupusta siya ng wamfefti panalo na siya. Kaya lihim siyang nagpapalakpak sa sarili sabay subo ng kanin, ang sarap pala ng ulam nila nang gabing ito.

“Honey, okay lang iyan. After all si Theon naman ang mapapangasawa niya pagtungtung ng legal age. Nasa testamento na iyan kaya legal na sumama siya sa binata.” 

Napabuga siya sa kaniyang kinain pero nang makitang lihim na kumindat ang kaniyang ama. Napangisi siya. Ibig sabihin sakyan niya ang trip nito para pumayag nang tuluyan ang Godzilla niyang ina. Ang weird lang dahil ito pa ang ginamit na palusot ng kaniyang ama, like ano kaya connection no'n?

“Yes My, mahal ko 'yun. Payagan mo na ako, papakasalan ko naman 'yun, eh,” gusto niyang maihi sa loka-loka niyang sagot sa ginang. Teka, bakit sinabi niya iyon? Hindi niya mahal ang binata. Crush lang niya pero hindi mahal. Pero nasabi niya kaya panindigan niya at may tiwala siya sa kindat ng kaniyang ama.

Magta-travel and tours kasi sina Theon kasama ang tropa feels nito pati ang crush niyang si Herrence my loves kaya sasama siya. Pagkakaalam niya wala ang bwesit niyang kuya kaya maganda iyon. Hindi lang naman siya ang babae, katunayan nga ay lahat nang sumama ay mag kaparehas at siya... Si Theon na lang siguro kahit na pokpok ito, mabait at gentleman ito sa kaniya. Sagada ang pinili nang mga ito at 3 days and 2 nights iyon. Tama lang dahil wala siyang pasok this coming friday. Gusto lang niyang maranasan na isang teenager kahit saglit at may tiwala naman siya sa mga kasama niya. 

“I beg your pardon, Dad.” 

Nagulat siya sa biglaan pagsulpot ng kaniyang kuya Azael. Hindi niya nakita ang hitsura nito dahil nakatalikod siya at alam niyang nasa tabi niya ito. Kinabahan siya bigla pero agad din napaismid. Alam niyang makikisawsaw na naman ito sa usapan nila at ang ending hindi siya papayagan ng tuluyan ng kanilang ina. Pero kakampi niya nga pala ang Daddy nila kaya okay lang. 

“Azael you're here!” lumarawan ang saya sa mukha ng Mommy nila. 

Lumapit naman ang binata rito at humalik sa pisngi at nagmano sa kanilang ama. Bahagya siyang napangiti, isa sa nagustuhan niya sa kuya niya ay pagiging marespito nito pero nang sumulyap ito sa kaniya, irap ang kaniyang binigay. Umupo ito paharap sa kaniya at nagsimula siyang mainis sa kagwapuhan taglay nito. Bakit ba ito pinanganak na gwapo? Binigyan niya ito nang masamang irap. 

“Tama ba ang narinig ko? Naka-arrange marriage si Amara kay Theon na walang alam kundi ang pambabae at puro tubig ang laman ng utak?” 

Hindi niya alam kung matawa ba siya sa description nito sa kaniyang crush o mainis dahil naaamoy na talaga niyang sasalungat ito. Anong arranged marriage? Trip lang iyon ng ama nila at sinakyan lang niya. Alam naman niyang hindi magagawa ng Daddy nila iyon. 

“Azael,” panimula nang ama nila. Napahinto ito sa ginawang pag-subo at sandaling uminom ng tubig. “Hindi iyan ang panahon at oras na pag-usapan ang bagay na iyan. Kumain muna tayo.” 

Napangisi siya. Nga naman, makikisawsaw lang naman ito at wala itong magandang idudulot sa buhay niya. Ba't kaya at hindi na lang ito bumalik sa babae nito tutal malandi rin ito at puro babae ang laman ng utak? Pero agad din nawala ang ngisi niya nang sumulyap ito sa kaniya at hindi sinasadyang napatingin siya sa mapupulang labi nito. 

Shit! Biglang pumasok sa isip niya ang halikan nangyari. Wait, hinalikan ba niya ito? Panaginip lang iyon at alam naman din niyang hindi papayag si Azael lalo at magkapatid sila. Napanatag siya sa isipin iyon at ngumisi ulit. Hindi na siya magkamayaw sa pag-subo ng pagkain. Bakit nga ba niya hindi naisip ang bagay na iyon? Nandiri pa siya sa kaiiisip buti na lang may laman pa kahit konti ang utak niya at ang utak niya mismo nag-adjust para sa kaniya. 

“No Dad, gusto kong malaman kung tama ba ang narinig ko.” 

“Pwede ba 'wag ka umapela!” puno ang kaniyang bibig nang pagkain pero hindi niya mapigilan umeksina. Nagsitalsikan tuloy ang nasa loob ng kaniyang bibig. “Sorry.” Mabilis niyang tinakpan ang bibig pero nandidilat pa rin siya rito na pinapahiwatig na huwag nang makialam. 

“Okay, dahil alam kung hindi ka tatamik hangga't 'di mo nakuha gusto mo, sumunod ka na lang sa library room mamaya.” 

Walang magawa ang kaniyang kuya kundi tumango. Drama nito, gusto niyang tsinilasin ang pagmumukha nito. Panalo na siya! Pumayag na ang mga magulang nila. Mabilis niyang tinapos ang pagkain at nagpasiyang tawagan si Theon sa kabilang linya para ipaalam dito na makakasama siya. 

Ang lapad ng ngiti ni Amara habang nakasakay sa loob ng Boho Woody Camper Van na hindi niya alam kung sino may ari. Dalawang Van ang ginamit at kasama niya sa backseat ay si Theon na walang ibang ginawa kundi ang makikipaglandi sa iba pa nilang kasamang babae. Wala naman siyang paki roon, hindi naman ito ang isinama niya kundi ang bulubundukin view ng Sagada. Hindi na siya makapaghintay. 

Medyo nababagot na siya nang makitang hindi pa sila umaalis. Eksaktong alas dose ng gabi ang usapan nila na umalis pero hanggang ngayon ay nasa Maynila pa rin sila. Kompleto naman sila at hindi niya alam kung bakit hindi pa sila umalis. 

“Sorry we're late.” 

Napakunot ang kaniyang noo nang makita ang dalawang panauhin na dumating. Nang makilala ang mga ito, naglaho ang sayang naramdaman niya kamakailan lang. Sino ang nag-imbita sa pangit niyang kuya at nang girlfriend nitong plastik?! 

Nagsalpak siya ng headset sa dalawang teynga at nag-soundtrip. Masyado pa naman itong killjoy! Ini-imagine pa lang niya, sira na ang buong Sagada trip niya sa loob ng tatlong araw. Bahala na nga ito, magkalimutan silang dalawa na magkapatid sila. 

Sa buong byahe, nakatulog siya. Umaga na nang magising siya at napansin nasa destinasyon na sila. Kung hindi pa siya tinapik sa pisngi ni Theon baka nakauwi na lang sila ng Maynila ulit, tulog pa rin siya. Nagsibabaan na sila at hindi siya makapaghintay na bumaba na rin para langhapin ang presko at malamig na simoy ng hangin. 

“Baby,” si Theon. 

Hindi niya alam kung matatawa ba siya sa tawag ni Theon sa kaniya o maloloka. Hindi naman siya kinikilig kaya ningisihan na lang niya ito nang abutin niya ang kamay nitong nakalahad sa kaniya para alalayan siya sa pagbaba ng sasakyan pero hindi pa man niya naabut iyon, tinampal na ito nang kuya niyang subrang protective at tiningnan ng masama si Theon. Kibit balikat naman ang tugon ng binata at walang magawa kundi hayaan siya. Napaikot na lang siya ng mata at inismiran ang kapatid. Heto na nga at nagsimula na ang pagiging killjoy nito sa buhay niya! 

“Bakit ka nandito? Sa pagkakaalam ko hindi ka mahilig sa mga ganito, ah?” sita niya rito nang makababa na siya. Ang sarap naman ng hangin! Napangiti siya sa bahaging iyon.

“Simple lang, ang bantayan ka,” walang kaemosyong tugon nito.

Ano siya bata? Bantayan talaga? Ano ba ang gagawin niya, eh, magti-trekking lang naman siya at magki-cave adventure kasama ang mga ito. Hindi naman siya seven years old na kailangan pa bantayan. Like hello! Next year ganap na dalaga na siya. Masyado talaga siya nitong bineybi-baby at hindi na siya natutuwa. Bakit hindi na lang ang plastik at higad nitong girlfriend ang bantayan nito tutal mukha naman itong tuko na kapit lang nang kapit. Bakit kaya hindi ito naging tuko na lang?

“Bakit mo ako babantayan? Fyi lang kuya, malaki na ako at si Theon naman kasama ko eh, saka boy——” 

“Wala akong pakialam.” 

Hindi niya natapos ang sasabihin dahil mabilis na pinutol nito ang gusto niyang sabihin saka siya tinalikuran. Wala siyang magawa kundi ang mapairap ulit sa hangin. Buti na lang nang dumako ang tingin niya kay Herrence ay nawala ang inis niya sa kagwapuhan taglay nito. Hay naku, sana malaki 'tong puso niya. Taon-taon nadadagdagan ang mga crush niya. Napahagikhik siya sa naisip.