Chapter 10 - Bed Fight

Dahil sa kapokpokan ni Theon, naingganyo siya nito nang magsimula itong magtipa ng gitara at kinantahan siya sa labas kung saan sila kumain. Maraming babae agad ang nakuhang atensyon pero sa kaniya lang nakatitig si Theon at malandi pa siyang kinikindatan. Kilig na kilig siya sa ginawa nito. Ang gwapo talaga ng hinayupak na ito kaso malandi lang.

Alas-dyes ng gabi nang magpasiya siyang matulog. Nawala ang antok niya dahil sa boses ng binata, ang sarap sa teynga at nakakainlove sobra. Dahan-dahan niyang pinihit ang pintuan, baka kung ano pa ang makita niya. Hindi pa siya handa sa gano'n bagay at baka pagtsitsinelasin niya ang mga ito. Nakapatay ang ilaw pero dahil sa lampshade, nakita niyang mahimbing na ang mga ito sa pagtulog.

Ay shuta! Saan siya tutulog? Siya dapat sa kama at ito dapat ang nasa sahig. Nag-ikot siya ng tingin, walang extrang comforter at bedsheet. Kung bababa naman siya para humingi sa bedding section, nakakapagod na. Tatlo lang ang kaniyang pagpipilian;

Una; sa tabi ng higad na future sister in law niya. Eww! Iniisip pa lang niya iyon, nasusuka na siya lalo na't nakayakap pa talaga ito sa kuya niya. Walang forever, maghihiwalay ang mga ito. 

Pangalawa; sa tabi ni Azael na feeling gwapo.

Pangatlo; sa gitna ng mga ito at paghiwalayin sa higaan sabay tulak sa sahig. 

Napangisi siya sa huling naisip. Dahan-dahan siyang lumapit sa mga ito sa malapitan. Nag-iisip kung paano ihihiwalay ang kamay ng babae na kapit ng kapit. May lindol 'te?

“Don't think about it, Mara. You can sleep next to me.” 

Nagulat siya sa biglang pagsasalita ni Azael. Napabagsak siya ng balikat at walang magawa kundi ang humiga sa tabi nito. Malaki ang kama kaya may distansya pa rin naman siya rito. Sana hindi malikot ang mga ito sa higaan at hindi maghihilik dahil naku lang! Mabilis siyang tumalikod paharap sa dingding at ipinikit ang mga mata. 

Nagising siyang maganda ang mood. Ang sarap ng kaniyang tulog. Sa panaginip niya, hinampas niya ang mukha ni higad. Pagkatapos, sinipa raw niya si Azael sa balakang. Nagpagulong-gulong din daw siya sa garden of roses habang kumakanta. Ang ganda-ganda raw ng kaniyang boses at lahat napatulala pati mga bubuyog pumalakpak sa kaniya.

“Hello everyone!” bungad niya sa lahat nang  nag-almusal sila. Nagising siya kanina na wala na ang dalawang kasama sa higaan.

“Buti naman at nakatulog ka ng maayos?” maarteng wika ng jowa ng kuya niya.

Pero dahil plastic siya sa lahat nang plastic, ngumiti siya, “Oo naman, ikaw ba hindi?” 

Wala ng space kundi sa tabi ng haliparot kaya napilitan siyang umupo ro'n. Inabot niya ang tubig at akmang iinum nang magsalita ito. 

"How can I sleep kung ang ginawa mo lang naman ay pinaghahampas ako at pinagsisipa si Azael at nagpagulong-gulong ka sa kama? Duh!" 

Bigla niyang naibuga ang nasa bibig. “What?!” 

“Oh my God!” 

Opps! Sa mukha nito niya naibuga ang tubig na nasa kaniyang bibig. Napangisi siya sa isip pero agad din nag-puppy eyes kamo sinsero siya. Duh! Higad. 

“Ay napagkamalan kong lababo! Sorry sis,” 
lihim siyang nag-ikot ng mga mata at natawa. 

“The hell! Argh! I'm outta here.”Mabilis itong tumayo at galit na nag-walk out. 

Napasunod naman ang kaniyang tingin dito at doon niya hindi mapigilan matawa. Natawa rin ang ilan sa mga kasamahan niya pero hindi si Azael. Matalim siya nitong tinitigan na parang leletsunin anuman oras. 

“Look what you've done Mara.”

“What? Hindi ko naman sinasadya, eh.” 

“Say sorry to her. Sumusobra ka na. Hindi kami nakatulog sa'yo kagabi sa sobrang kalikutan mo.” 

Napakagat siya ng labi. Hindi naman niya sinasadya iyon, ah. Kasalanan ba niya kung mukhang lababo ang mukha ng jowa nito? Nagtaas siya ng kilay at inirapan ang kapatid. 

“Gutom na ako,” Hindi niya ito pinansin at inuna niya ang pagkain nang umagang iyon. Napailing-iling ito at biglang tumayo. Sinundan nito ang babae. 

Papasok pa lang siya ng room nila nang makita niya si Azael at Yve na magkayakap. Umiiyak ang babae sa dibdib ng kaniyang kapatid. Agad umasim ang kaniyang panlasa sa nakita. Babaklasin kaya niya ang kamay nito? 

“I guess your sis don't like me,” humihikbing saad nito. 

“Of course she likes you. We just need more time. She's childish and inconsiderate brat sometimes, but she's nice.” 

Childish?!

Inconsiderate brat?!

That's it. Hindi na sila bati ulit ng gagong ito. Lilipat siya ng silid mamayang gabi kay Theon! Childish pala, ha? Naghintay muna siya nang ilang minuto bago kumatok at pumasok na parang wala lang. Nakangiti pa siya at walang sabing hinaklit ang travelling bag niya at tumakbo papunta sa room ni Theon.

“Hey-hey baby, baka mapatay na ako ng kuya mo,” nababahalang saad nito.

Nag-ikot siya ng mata, “Ayuko ro'n hindi kami magkakasundo ng nobya niya. Dito na ako. Ako sa kama at ikaw sa lapag.” 

Bigla itong napakunot ng noo at bumunghalit din ng tawa sa huli. “Lupit mo. Silid ko 'to tapos ako pa hihiga sa lapag? Ikaw mahiga sa lapag o kung gusto mo hati tayo sa kama ko.” 

Matagal siya nag-isip bago sumangayon. Keysa naman doon siya sa silid ng kapatid niya, “Okay, basta huwag ka lang malikot.” 

Halos mamatay ito sa kakatawa sa sinabi niya at pinaalala ulit ang nangyari kanina sa restaurant. Inirapan niya ang binata at nagpasyang maligo sa umagang iyon. Pupunta raw sila sa Bumud-ok Falls kaya bago niya isasabak ang kaniyang ganda, dapat ready na siya.

Nasa top load siya ng jeep na sinasakyan nila paakyat sa bundok. Para siyang timang na sigaw nang sigaw sa sobrang saya. This is life! Parang gusto niyang itulak ang jowa ng kuya niya sa bangin sa subrang saya niya.

Kung gaano siya kasaya sa ibabaw ng jeep, gano'n naman kabilis nawala ang saya niya sa sobrang pagod nang maglakad na sila papunta sa talon. Hindi siya sanay sa napakahabang lakaran. Buti na lang at nandiyan lagi si Theon na inaaalalayan siya lagi. Ang sweet talaga ng pokpok na ito. Pero sa tuwing napapalingun siya kay Azael, ang talim ng tingin nito sa kaniya. Iniirapan naman niya ito pabalik.

Narating nila ang nasabing falls at subrang saya niya. Maliban sa napakaganda ng paligid, sobrang lamig pa ng hangin at tubig. Kaniya-kaniyang hubaran agad ang mga kasama niyang babae sa mga suot nito at nag two piece. Habang ang mga lalaki naman ay naghubad ng pang-itaas na damit at kitang kita niya ang mga abs ng bawat isa. Nag-ikot siya ng mata. Mas bet niya ang abs ni Azael. 

“Oh my! It's too cold!” 

Hiyaw ng mga kasamahan niya. Nagdadalawang isip siya kung maliligo ba siya o hindi o mauupo na lang sa tabi. Kumuha muna siya ng picture sa buong paligid bago nagpasiyang maligo. Sa ilalim ng kaniyang short at tshirt ay two piece. Walang sabi niyang hinubad ang pang-itaas nang biglang batuhin siya ni Azael ng jacket nito at biglang nilapitan.

“Subukan mong hubarin 'yan pangitaas mo at ngayon din agad ay uuwi ka ng Maynila,” seryusong saad nito na halos nagpipigil na sa galit pero hindi lang pinapahalata sa paligid.

“Ku——” 

“Enough. No buts brat! Maliligo ka o hindi, much better na hindi. Dito ka lang.” 

Napanguso siya at hindi sumagot. Nagsitalikuran na ang mga ito at nagtungo na sa falls. Iniwan siya. Inis na inis at gigil na gigil siyang umupo sa batuhan. Sana mawalan ito ng balanse! 

“Amaraaaaaa!” 

Napatayo siya at biglang tumakbo papalayo. Nagkatotoo nga ang kaniyang sinabi.
Wala siyang magawa kundi ang panoorin na lang ang mga ito sa malayo pero hindi niya masyadong nakikita dahil may malaking batong nakaharang. Ang tanging ginawa na lang niya ay kumuha ng larawan. Nakakainis! Subrang killjoy nito! Bakit pa kasi hindi siya ang mas matanda at ito ang nakakabatang kapatid!

Saka hindi naman pangit ang katawan niya, ah. Desi siya pero alam niyang sexy siya at malaki naman ang boobs niya. Argh! She hates it! Kay Theon talaga siya makikitulog mamaya.