Prologue

Punong puno ng mga maharlika ang buong hall sa Seradia Castle. Lahat sila ay sabik nang makita ang pagdating ng bagong bisita ng kastilyo. 

Samantalang ang hari at reyna ay prenteng nakaupo sa trono pero gaya ng mga bisita nila na nasa loob ng hall ay nasasabik rin sila sa pagdating ang inaabangang bida ng kanilang pagtitipon-tipon. 

Dahan dahang bumukas ang pintuan kaya natahimik ang lahat. May ibang tumigil muna saglit sa pagkain at pag-inom ng mga mamahaling alak. 

Halos lahat ay namangha nang makita nila ang isang maganda at misteryosang babae na iniluwa ng malaking pintuan. May mga suot itong magagandang palamuti kaya naging mabigat at makapangyarihan ang impresyon nito sa mga bisita. Pero sa kabila 'non ay nabighani naman sila ng maamong mukha nito. May kasama rin itong mga dalawang babae na nakayuko. 

Nag-umpisa nang tumugtog ang mga musikero kaya nag-umpisa na rin maglakad ang babae sa gitna papunta sa kinaroroonan ng trono ng hari. Ang dulo ng puting bestida nito ay sumasadsad sa carpet ang maluwag at mahabang manggas naman nito ay pumapagaspas na parang mga pakpak. 

Puting bestida na kasalukuyang suot niya ay sumisimbolismo ng pagiging puro, busilak at malinis na hangarin. Minsan rin ay sinisimbolismo nito ang pagiging mahinhin at maamo ng isang babae. 

Pero sinisimbolo din nito ang isang nyebe, malamig pero kaakit akit. Kabigha bighani ngunit nakakapinsala. 

Kaagad na tumayo ang hari nang makalapit na ang babae sa trono niya. Tumabi naman sa gilid ang mga royal maids na kasama ng babae. 

Buong galang yumuko ang babaeng nakasuot ng puting bestida sa hari. Sinserong ngumiti naman sa kanya ang hari bilang tugon. Tumigil naman sa pagtugtog ang mga musikero nang dumating na ang tagapaglingkod ng kastilyo na may bitbit na maliit na unan at nakapatong dito ang kumikinang na korona. 

Marahas na hinugot naman ng hari ang kanyang espada. Dahan dahang lumuhod ang babae. Ipinatong naman ng hari ang kanyang espada sa kanang balikat, kaliwa at sa huli naman ay sa ulo ng babae. Pagkatapos ay ibinalik na niya sa kanyang lalagyan ang kanyang espada atsaka kinuha naman ang korona. 

Maingat na pinatong iyon ng hari sa kanyang ulo at pagkatapos ay dahan dahan nang tumayo ang babae. Nagpalakpakan naman ang mga bisita nang humarap sa kanila ang babae na may tipid na ngiti sa kanyang labi.