Chapter 14 - Abhaya Who?

Gustong manuntok ni Abhaya nang sandaling iyon. Halos bawat silid na madaanan niya ay pinakikinggan niya ang loob kung may naglalanturan ba o kaya naman nagjugjugan sa kama. Kapag makikita niya talaga ang lalaking iyon, makakatikim ito sa kaniya ng isang malutong na sipa! Masyado siya nitong ini-stress. Alam naman nito na delikado ito at dapat kasama siya nito kahit saan ito magpunta.

Sa kaniyang paglalakad at paghahanap dito, napunta siya sa top deck. Natigilan siya at bahagyang napangiti. Ang ganda! May malaking swimming pool, playing area, gymnasium... 

Nayakap niya ang sarili nang sumalubong sa kaniya ang malamig at malakas na hangin-dagat. Malayo na ang cruise ship sa kabihasnan at sandaling nawala sa isip niya ang paghahanap sa lalaki. Siya lang mag-isa ang nandoon at nakaramdam siya ng pansamantalang katahimikan. 

Lumapit siya sa railings at humawak doon. Mula rito, tumingala siya at napangiti nang makita ang maraming bituin sa kalangitan. Sandali niyang ipinikit ang mata at hinayaan tangayin ng hangin ang sarili. Kahit papaano, nakaramdam siya ng katahimikan. 

“Why are you here?” 

Napalingon siya. Nakita niya si Hudson na nakatitig sa kaniya na para siyang anghel na mawawala kahit anong segundo.  Nakapamulsa ang dalawalang kamay nito at aaminin ni Abhaya, napakagwapo nitong gabi sa suot nitong tux. Sandali niyang nakalimutan na hinanap niya ito, masyado siyang nadala sa pakiramdam niya habang dinadama ang malamig na simoy ng hangin. Nakalimutan niyang siya si Kianna at hindi si Abhaya nang mga oras na iyon. Walang salitang lumabas sa kaniyang bibig basta lang siya nakatitig rito.

“Are you done with Zerus Craige?” pagpatuloy nito.

Hindi siya sumagot. Ibinalik niya ang mata sa kalawakan. Dahan-dahan niyang naramdaman ulit ang sakit na matagal niya ng ibinaon at kinalimutan pero bago pa man siya traydurin ng kaniyang sarili, dumistansya na siya sa railings at humakbang pabalik sa ibaba kung saan ginanap ang party.

“Abhaya...” Isang kamay pumigil sa kaniya.

Malakas na sampal ang tumama sa mukha nito at binawi ang kamay. “You always called me that name Doc. Hayes. Kung sino man ang babaeng iyan, hindi ako siya.” 

Natigilan ito at nasapo ang pisnging nasampal niya. Alam niyang masakit iyon dahil namula agad ang maputing pisngi nito. Napangisi siya at akmang sasampalin pa ulit ito dahil bigla-biglang nawawala at umaalis na hindi siya kasama——

“Fuck!” 

Merde! Napapiksi siya nang mula sa kung saan ay may bumaril sa kanila at tinamaan ang balikat ng lalaki. Mabilis niyang nahugot ang baril sa kaniyang hita at hinila ang binata... Pero siya ang hinila nito papalayo sa safe na lugar. Naging alisto ang kaniyang tingin sa paligid.

“May bumaril kay Doc. Locate this shooter, now!” aniya kay Jacky sa kabilang linya sa pamamagitan ng spy microphone na pendat ng kaniyang kwentas. Hindi niya alintanang matiim pala siyang tinitigan ni Hudson at parang balewala lang rito ang naging tama. Basta lang itong nakatitig sa kaniya na parang may naalala. 

Panay tingin niya sa paligid. Kung siya lang siguro mag-isa kaya niyang makipagpatayan pero may pinoprotektahan siya at iyon ay ang binata na nakasandig lang ngayon at matiim siyang tinitigan habang patuloy na nagdudurugo ang balikat nito. Amused na amused ito at may ngiting nakasupil sa labi. 

“Its okay now Kianna, calm down.” 

“No, it's not!” 

Bumuntunghinga ito, “If the intention of the killer is to kill me, I should be dead right now.” 

Hindi siya umimik, may punto ito. Marahil warning shot lang iyon at wala pa sa plano nang kung sino man taong nasa likod nito na patayin agad ang binatang Doctor. Marahil tinatakot pa ito. But no! Hindi niya tatanggapin ang explanation na iyon. Walang warning-warning shots sa kaniya lalo na't nasa proteksyon niya ito. 

Napatingin siya sa balikat nitong dumudugo. Binaba niya ang hawak na baril at walang sabing tinanggal niya ang necktie nito. Nagulat ito nung una sa kaniyang ginawa pero nung marealize nito na ang kaniyang gagawin, hindi na ito umimik. Hinayaan lang siya ng lalaki. Mabilis naman niyang itinali sa balikat nitong may sugat ang necktie. Kailangan niyang pigilan ang pag-ampat ng dugo. 

NAKAUPO si Abhaya sa couch paharap kay Hudson nang umagang iyon. Natapos ang party at umalis silang walang paalam sa birthday celebrant pagkadaong ulit ng Cruise sa daungan. Siya ang nagmaneho ng sasakyan pauwing mansiyon at ngayon nga ay nasa isang hospital na naman siya na pag-aari nito. Parang wala lang nangyari at tuloy ito sa pagtatrabaho ng araw na iyon. 

Walang nakuhang impormasyon si Jacky. Nakakainis lang isipin na masyadong madulas itong kalaban nila. Hanggang ngayon ay wala pa silang nakuhang lead o clue kung sino ba talaga ang nasa likod ng lahat ng ito. 

“No. Don't go here fuckers, I'm busy!” malakas na saad nito sabay bagsak sa cellphone sa glass table. 

Pero biglang bumukas ang pintuan at sabay-sabay na pumasok doon ang mga kaibigan nito na kilala niya sa pangalang  Azael, Cuhen at Zyd Caiden. Nagulat pa si Cuhen nang makita siya pero walang salitang lumabas sa bibig nito. Basta lang itong nakatingin sa kaniya. 

“Fuck! I told you I'm busy,” reklamo ng binata. 

“And we don't care.” Tumawa si Azael sabay upo sa single couch. 

“I thought you were dead. Sisiw naman ng bumaril sa'yo.” Si Cuhen. Hindi mo alam kung nagbibiro ba o seryuso. “Kailan pa kami makakapagkape sa lamay mo?” 

Lihim siyang natawa sa sinabi ni Cuhen. Siya rin, hindi na makapaghintay kailan ito isasama ni Satanas sa impyerno. 

“We're only here to see you if you're alive dude!” kangising sambit ni Zyd Caiden sabay bagsak ng upo sa tabi niya pero may malaking distansya pa rin. Isa itong amboy— well, mostly lahat ng mga ito ay mga parang foreigner ang kagwapuhan pero itong si Zyd Caiden ang nag-iisang Canadian. 

“I'm immortal Greek God,” tumawa naman si Hudson. 

Biglang nakaramdam ng awkward si Abhaya nang nga sandaling iyon pero nag-pretend siyang hindi nagsi-exist ang mga ito. Ang awkward makita si Hudson na tumawa kahit ito 'yung una na nakita niyang humalakhak ito. Inayos niya ang sarili at hinayaan ang mga ito tutal wala siyang paki sa mundo at sanay siya sa gano`n set up. Dito siya magaling, ang mag-balat kayo. Nasa pang-ilang page na siya sa kaniyang binabasang magazine nang magsalita si Cuhen. 

“You never told us that you found her. Mahigit dalawang taon mo rin hinanap si Ms. Sahada.” 

Biglang napanting ang kaniyang teynga. Wait, what? Siya, hinanap ni Hudson? Napantastikuhang napaismid siya at nagpanggap na walang narinig. Pinagpatuloy niya ang binabasang magazine habang maarte siyang nakaupo. May mga tanong na nagsimulang nagsilabasan sa utak niya. Bakit siya hinanap ng kumag na Doctor? Sa pagkakaalam niya, wala siyang atraso rito at kailanman wala siyang utang. 

“And she's the reason kung bakit takot na itong lokong kaibigan natin sa mabilis na pagpapatakbo ng sasakyan. Pfffff!”  bumunghalit ng tawa si Zyd, “But we're happy now that you found her.” 

Napaurong siya. Bakit hindi niya gusto ang tumatakbong usapan ngayon ng mga ito? May dapat ba siyang malaman o mas dapat 'wag na lang niya pagtuunan ng pansin ang mga pinagsasabi ng mga ito. Habang sa sulok ng kaniyang mata, pansin niyang nakatitig lang sa kaniya si Hudson at hindi niya alam kung ano ang nasa utak ng binata. 

"She's Kianna Trunt, my personal assistant. Hindi siya si Abhaya and let's not talk about that woman.” 

Pumalatak naman ang mga ito at sabay na napa-ohh habang nakatingin sa kaniya. 

“Hindi namin alam na sobrang common pala ang kagandahan ni Ms. Sahada at may naging kamukha siya,” Si Cuhen ulit ang nagsalita halatang `di naniniwala. 

“And to think na halos binaliktad mo na ang mundo trying to find her,” Si Azael na alam ni Abhaya na sa kaniya nakatitig ng mga sandaling iyon. Lihim niya itong inirapan. 

“We thought you finally found your missing happiness,”  hindi mapigilan eksena ni Zyd. 

Lihim siyang napakagat ng labi. Hindi niya na kayang pakinggan bawat pinagsasabi ng mga ito. Tumayo siya bigla at nag-excuse na pumunta ng restroom. Ayaw niyang makinig at baka ano naman ang papasok sa utak niya. Ramdam niyang sumunod sa kaniya ang buong titig ng lahat pero hindi niya pinansin iyon. Masyadong focus ang kaniyang atensyon ngayon sa bagong siya. 

Tinitigan ni Abhaya ang sarili sa salamin. Really? Anong rason para hanapin siya ni Hudson? Kahit pigain pa niya ang kaniyang utak, wala siyang makitang magandang dahilan para hanapin siya nito kung sakali man na totoo ang mga pinagsasabi ng mga ito. Naghugas lang siya ng kamay at nagpasyang bumalik.... Sumandal siya sandali sa isang haligi habang nakikinig sa pinag-uusapan ng magkakaibigan. Hindi kalakasan pero tamang-tama para marinig niya ang bawat boses ng isa't isa. 

“You want me to dig the truth behind her?” 

Napangisi siya nang marinig ang boses ni Cuhen. Talaga lang, ha? Sige nga, kung saan hanggang kaya ng mga ito. Binura ni Yx lahat ng pagkatao niya na may kaugnayan sa technology. Walang makikitang database laban sa kaniya. 

“Don't,” narinig niyang sagot ni Hudson, “Sa`tin lahat, ako ang mas may alam sa cyber world.”

Tuluyan siyang natawa ng mahina sa naging sagot ng binata. Okay, magaling nga ito pero kayang pantayan iyon ni Yx.

“Well I just offered you my help.” 

“No need, I can handle it.” 

Handle? Hindi niya masisi ang binatang Doctor pero tiwala siya kay Yx na walang makakaalam sa tunay niyang pagkatao. Walang isang impormasyon na siyang magtuturo sa kaniya maliban kay Yx.

“Come on Asshole! Alam namin na hinahanap mo pa rin siya. Hindi namin alam kung mahal mo ba o ano but yeah, wala ka pa lang puso. Isa ka pa lang—— fucker!” sabay hagalpak ng tawa si Azael at Zyd.

“Speaking of fucking, how's your sex life dude?” 

Nag-ikot ng mata si Abhaya sa naging usapan sex life. Boys and their nature about sex. Ilan kaya ang babaeng kinama ng lalaki nung nawala siya? Hindi siguro mabilang. Mukha naman itong babae eh, baka pwede na itong sabitan ng kalandian award sa subrang active ng buhay binata nito.